አራዳ ክፍለ ከተማ አስተዳደር

አራዳ ክፍለ ከተማ በአዲስ አበባ ከተማ ካሉት 11 ክፍለ ከተሞች ውስጥ አንዱ ሲሆን ከተማዋ የተቆረቆረችበት አካባቢ ነው፡፡

ተልዕኮ

የሀገር ውስጥና የውጭ ግንኙነትን በማጠናከር የከተማውን ገጽታ ግንባታ ስራ በማሳደግ፣ ውጤትን መሠረት ያደረጉ የተቋማት አፈፃፀም ክትትል፣ግምገማ በማድረግ፣ሁለንተናዊ የሕዝቡን ተጠቃሚነት የሚያረጋግጥ የካቢኔ ውሳኔዎችን በማስፈጸም እና መልካም አስተዳደርን በማስፈን የአገልግሎት አሰጣጡ ፍትሃዊ፣ ግልጸኝነትና ተጠያቂነት የሰፈነበት እንዲሆን በማድረግ የህብረተሰቡን ተጠቃሚነት ማረጋገጥ ነው፡፡

አራዳ ክፍለ ከተማ መመስረት.

አራዳ ክፍለ ከተማ በአዲስ አበባ ከተማ ካሉት 11 ክፍለ ከተሞች ውስጥ አንዱ ሲሆን ከተማዋ የተቆረቆረችበት አካባቢ ነው፡፡ በአራዳ ክፍለ ከተማ ታሪካዊ ቦታዎችና ቅርሶች የሚገኙበት ሲሆን የሀገራችን ኢትዮጵያ ቤተ-መንግስትን ጨምሮ ታላላቅ የመንግስታና ሀይማኖታዊ ተቋማት የሚገኝበት ነው፡፡
ከላይ ለመጠቆም እንደተሞከረው አራዳ ውስጥ ቤተ-መንግሰት፣ የህዝብ ተወካዮች ምክር ቤት (ፓርላማ)፣ የአዲስ አበባ ከተማ አስተዳደር ቢሮ፣ የብርሃንና ሰላም ማተሚያ ድርጅት፣ የሉሲ (ድንቅነሽ) ቅሪተ አካል የሚገኝበት ሙዚየም፣ የ4 ኪሎ የድል ሀውልት፣ የ6 ኪሎ የሰማዕታት ሐውልት፣ የ4 ኪሎና 5 ኪሎ ዩኒቨርሲቲዎች፣ የምኒልክ ሀውልት፣ የአቡነ ጴጥሮስ ሀውልት፣ የቴዎድሮስ አደባባይ፣ የአድዋ ድል መታሰቢያ ሙዚየምና ሌሎችም ይገኛሉ፡፡

የአራዳ ክፍለ ከተማ ዋና ሥራ አስፈፃሚ

ውድ የክ/ከተማችን ነዋሪዎች በሀገር አቀፍ፣ በከተማና በክፍለ ከተማችን የተጀመሩ የልማትና የመልካም አስተዳደር ተግባራት እንዲሁም በበጎ ፍቃድ ስራዎች ላይ በንቃት በመሳተፍ እርስ በእርስ በመደጋገፍ ጅምር ስራዎችን ከዳር ለማድረስ በጋራ መስራት ይጠበቅብናል፡፡

ኢትዮጵያ ሀገራችን ወደብልጽግና ለምታደርገው ጉዞ መልካም ድሎችን የምንጎናጸፍበትና ለትውልድ የሚተላለፍ ስራ የምንሰራበት ጊዜ አሁን መሆኑን በመረዳት፤ በሁሉም ዘርፍ የኢኮኖሚ፣ ማህበራዊና ፖለቲካዊ አቅማችንን በማሳደግና የዜጎቻችንን ተጠቃሚነት በማረጋገጥ የገበያ መዋዥቅን ለመቋቋም ብቻ ሳይሆን ተኪምርቶችን በማምረትና በአለም አቀፍ ገበያ ላይ ተወዳዳሪ ምርቶችን በስፋት ለማቅረብ ያለንን ኢኮኖሚና የሰው ሀይል በአግባቡ የመጠቀም ስራ መስራት የሁላችንም ሀላፊነት በመሆኑ በተለይም የወጣቶችን የስራና ክህሎት ስልጠናዎችን የማጠናከርና ወደስራ የማስገባት ስራችን አምራች ዜጋ የመፍጠር የብልጽግናችን መሰረት ነው፡፡

አቶ ጌታሁን አበራ

የቅርብ ጊዜ ዜናዎች

የሀገር ውስጥና የውጭ ግንኙነትን በማጠናከር

November 4, 2024

የሀገር ውስጥና የውጭ ግንኙነትን በማጠናከር የከተማውን ገጽታ ግንባታ ስራ በማሳደግ፣ ውጤትን መሠረት ያደረጉ የተቋማት አፈፃፀም ...